傷城 Confession of Pain ...

今日返 0700 - 1600 , 放工通常都係返屋企 , 不過今日多左個節目 ... 去睇戲 =D
諗返起 , 好似好耐無去過戲院睇戲 , 今次都係因為朋友有免費飛所以毫不考慮就應約 ~
( Thank you for your invitation Inti ~ )

個故事編排其實有 d 地方無咩說服力 , 兇手又一早知道係邊個 , 所以無咩驚喜 ...
不過都算唔錯呀 ! 中間有無啦啦有 d 笑位 ...

最記得既係片中主角阿邦話 :「原來當你身邊的人突然間無聲無息地消失了 , 是十分可怕的」
我諗呢個係套戲其中一個要帶出既重要信息 : 我們應該珍惜現在所擁有的一切 , 尤其是身邊的人 , 失去左先至懂得珍惜 , 結果可以好痛苦 ...

Christmas @ Airport ...

12 月最尾個禮拜既 roster 終於出左 ... 24 號返 1300 - 2200 , 25 號返 1700 - 0200+ , 真係一 d 氣氛都無 =____= "

呢個月機場由朝到晚 ... 無論係離港抵港 , 响 check-in counters , 禁區出面同入面 , 過 immigration , 機場餐廳等等 ... 都係迫滿人既 !

另外如果細心周圍睇下 , 其實唔難發現機場多左好多裝飾佈置 ... 都幾靚架 ! 不過如果呢個聖誕無機會去機場既話 , 咁就睇下相啦 ~

Flight Ops Roster Dec 2006 ...

December
-----------------------------------------------------------------------------------------------Fri 01-------Sat 02
----------------------------------------------------------------------------------\\\-------0630-1530--0900-1800

Sun 03---------Mon 04--------Tue 05--------Wed 06--------Thu 07--------Fri 08------Sat 09
0830-2200-------OFF------0700-1600--0700-1600---1500-2400--1700-0200+---OFF

Sun 10----------Mon 11---------Tue 12---------Wed 13--------Thu 14---------Fri 15-------Sat 16
0930-1830---0900-2200---1830-0530+----OFF------0700-1600----1730-0330+---OFF

Sun 17----------Mon 18--------Tue 19----------Wed 20--------Thu 21-------Fri 22--------Sat 23
0700-1600---0700-1600---0700-1600---0700-1600-----OFF-------1730-0330+----OFF

Sun 24----------Mon 25--------Tue 26--------Wed 27--------Thu 28-------Fri 29---------Sat 30
1300-2200---1700-0200+----OFF------0700-1600---1000-1900---1300-2200---1300-2200

Sun 31------
0930-1830

+ = the following day

暫時出更出到 23 號 , 而 23 號又放假 ... 咁都幾肯定 24 同 25 要返工啦 @ . @

" D " License ...

終於考到 "D" 牌 , 可以响機場範圍揸車啦 ...

雖然我地 department 而家只得一部車 , 不過到月尾就應該有兩部 ( 兩部都係 Honda Jazz ) ...
到時就唔駛行咁多啦 ! 特別係出 outer bay 做 briefing , 唔駛又 call 車咁麻煩 ! 好野 ~~~

Overnight shift ...

第一次返 overnight shift , roster 上寫既係 1830 - 0530+ @___@ 好唔好彩 , 第一次返 overnight 竟然係繁忙既一晚 , 最慘係每隔 1 個鐘就有一班機要做 , 完全無時間訓覺 ... 同事仲話 " 嘩 ... 好彩今晚唔係我包底 ! " 勁無奈呀 ~~~ 因為係返夜 , 所以呢唔好搞錯 , 右邊開始天光果張相係放工時影既 , 左邊開始天黑既先係我返工時影既 ...


不過原來夜晚既機場係好靚架 , 好靜又無咩人 ... 同以前平時次次去親機場都係人山人海既場面有好強烈既對比 ... 到朝早 , 同事已經陸陸續續返工 ... 後尾仲同佢地食埋早餐先走 , 走既時候係朝早 8 點 !

.
.
.

返 overnight 既小小發現 :

每日零晨 12 點 - 5 點半 , 南面既 departure hall 會 close ... 靜係開北面 !

Arrival hall 剛剛相反 , 北面既 arrival hall 會 close ... 靜係開南面 !

近 Counter A 同 B 間 Pacific Coffee 開 24 小時 , 另外果間就唔係 !

Flight Ops Roster Nov 2006 ...

November
Sun 29---------Mon 30-------Tue 31---------Wed 01-------Thu 02--------Fri 03-------Sat 04
-----------------------------------------------------1500-0000+------OFF--------0930-1830--0700-1600

Sun 05---------Mon 06--------Tue 07--------Wed 08--------Thu 09--------Fri 10------Sat 11
0700-1600-------OFF-------1300-2200---1300-2200----1300-2200--=-OFF------0700-1600

Sun 12----------Mon 13---------Tue 14---------Wed 15--------Thu 16---------Fri 17-------Sat 18
0930-1830---0900-2300---1830-0530+----OFF-------1430-2330----1300-2200---OFF

Sun 19----------Mon 20--------Tue 21----------Wed 22--------Thu 23-------Fri 24--------Sat 25
0630-1530---0700-1600---0700-1600---0700-1600-----OFF-------1730-0330+----OFF

Sun 26--------Mon 27---------Tue 28----------Wed 29--------Thu 30
---OFF--------1300-2200----1630-0130+------OFF---------0900-1800

+ = the following day

唔知發生咩事 , 今個月個 roster 竟然逐個逐個禮拜出 @___@ 吹脹 ~

要留意今個月有 d 異常既更 ... e.g. Nov 13 , 14

機場員工優惠 ...

當掛住個 staff card 去食野 , 响機場大部份食肆都有 9 折 ( 除左大家樂之外 ) , 又或者有其他優惠套餐 ... 連去買書 / 雜誌都有 ... 都幾好啊 :P 聽同事話去 duty free 或者禁區裡面 d 店舖都有 !? 唔知真定假 ~

曾經登上過 flight deck 既飛機再加一隻 - Airbus A319 !

Karaoke ...

朋友生日話想唱 k ... 好 ~

去到佢話有一間吸煙既細房同非吸煙既大房 , 問我地要邊間 ... 唔駛問梗係要大果間啦 ! 跟住佢話大房可能有需要會要求轉房 , 無問題呀 ... 因為經驗所得 , 9 成都唔駛轉房既 ...

入到去 ... 間房過百呎 , 仲要有 3 部電視 ... 但係人就得兩個 , 會唔會浪費左 d ? 哈哈 ...

機場電腦故障 ...

(星島) 10月 10日 星期二 10:20AM
--------------------------------------------
機場部分航空公司的電腦系統出現故障 , 要改用人手為乘客辦理登機手續 ~ 機鐵香港站及九龍站亦貼出告示 , 通知旅客電腦故障 , 不可以辦理登機手續 , 旅客要到機場辦理 ~ 而在機場 , 部分航空公司的地勤人員改為用人手為乘客辦理登機手續 , 排隊的人龍不算長 ...
--------------------------------------------

見到做 landside 果 d 同事真係忙得可憐 , 要手寫 boarding pass ... 睇見都想暈低 @___@

Btw , 今日又上多左另外一隻型號既飛機 - Airbus A320 , cool ~~~

Flight Ops Roster Oct 2006 ...

October
Sun 01-------Mon 02-------Tue 03--------Wed 04-------Thu 05--------Fri 06-------Sat 07
0700-1600-----OFF-------1300-2200--1300-2200--1300-2200---1300-2200---OFF

Sun 08---------Mon 09-------Tue 10--------Wed 11--------Thu 12---------Fri 13------Sat 14
0930-1830--0700-1600--0700-1600--0700-1600--1530-0030+---OFF---------OFF

Sun 15--------Mon 16--------Tue 17--------Wed 18--------Thu 19---------Fri 20-------Sat 21
---OFF--------0700-1600---0700-1600--0700-1600--0700-1600---1430-2330---OFF

Sun 22--------Mon 23-------Tue 24-------Wed 25--------Thu 26--------Fri 27--------Sat 28
1300-2200-----OFF-----------OFF--------0700-1600---0700-1600---0700-1600--0700-1600

Sun 29--------Mon 30-------Tue 31
0700-1600----OFF----------1300-2200

+ = the following day

13 , 14 同 15 號竟然連放 3 日 ... 正 !!!
不過 25 號開始連返 5 日 0700 ... shit !!!

天未光 ...

今日返 0700 放 1600 , 所以 5 點左右已經要起身 ! 望一望出窗 , 天都未光 ... 星期日 5 點起身 , 印像中真係未試過 !? 不過我諗以後其實星期幾對我黎講已經無咩關係 ...

落到街都無咩人 , 跟住發現本來由屋企去巴士站既路竟然比平時仲要遠 , 點解 ? 原因係地鐵站都未開門 , 平時可以穿過地鐵站 , 今次就要兜路行 ... 上左巴士 , 唔駛講 ... 繼續訓 ~ Zzzz ~訓到落車 , 返到 office 打咭 , 時間係 0655 ... 掂 !

放工既時候經過屈臣氏 , 見到 d 好新奇既野 ... 哈 ~ 完來係珍寶珠電話繩 , 靜係機場先有得賣架咋 !

坐頭等 ...

今日又去 flight deck 做 briefing , 我一望份 flight plan 見到 PIC ( Pilot In Command ) 個名 , 已經即刻記得呢個機長 ... 佢係黃皮膚 , 識講廣東話 ! 因為我之前同佢做過 briefing ... 所以對佢有印像 , 實認得佢 ... 佢認唔認得我就唔知啦 !? 上到去佢已經同 FO 坐左响 first class , 準備開始用餐 ... 我走埋去俾份 doc. 佢 , 以下係我同佢既對話 :

佢 : 唔該晒 ...你唔趕架可 ? ( obviously , 佢想食完先睇 d 野 )
我 : 噢 ~ 唔趕唔趕 ... ( 我又真係唔趕架喎 )
佢 : 你食左野未呀 ? 要唔要 d 麵包 ? ( 果陣時大約一兩點鐘 )
我 : 啊 ... 哈 ~ 唔駛啦 ! 我食左野啦 ... 你慢慢啦 ... ( 我都係第一次俾 crew 問食唔食野 )

跟住我就坐左响頭等度等佢食佢既午餐 ... 我諗如果唔係呢份工 , 我都無咩機會坐頭等囉 !? 差 d 訓著 ... 哈哈 ~ 因為真係幾舒服架 ! 其實尋日已經試過一次 ... 同樣情況 , 上到去機長又係準備開始用餐 ... 不過感覺完全係兩回事 ! 我同呢位機長既對話 :

佢 : Thanks ... this would take 15 to 20 minutes , if you have something to do , you can finish it and come back later !
我 : Oh ! That's fine , I will wait here ...

唔係因為佢唔 offer 野食俾我 , 所以覺得佢唔好 ... 只不過佢俾我既態度係好似逢旨咁囉 ~ 不過算啦 , 佢係要食完先我都無辦法 -____- 況且我都唔介意坐响度唔駛做咁既 ~ 哈 ! :D

Aircraftsss ...

時間過得真係快 , 做左呢份工 ( Flight Ops Officer ) 都一個月有多啦 , 今日諗下諗下 ... 原來我已經上過好幾隻唔同型號既飛機既 flight deck 架啦 ... 靜係呢個經驗都抵返啦 , 有錢都買唔到 :p

Airbus A330-200 - like any Airbus , only Side Stick , no traditional Yoke ...
Airbus A330-300 - 同 -200 幾乎一模一樣 , 係 fuselage length 短 d ...
Boeing 737-800 - 細機 ... 所以裡面好細囉 !? 不過好新淨 ...
Boeing 747-300 - 同 -400 差唔多 ? 定一樣呢 ? 大家都响 upper deck ...
Boeing 747-400 - 上得最多 , 最好玩 ... 因為 flight deck 响上層 , 不過大部份唔算新淨 ...
Boeing 767-300 - 好新淨囉 ... 無咩啦 !?
Boeing 777-300 - 覺得擁有最靚既 cockpit 既一個型號 ...
McDonnell Douglas MD-11 - 上過一次咁大把 , 無咩印像 !? 不過最易認 , 因為係 3 引擎 !

其實每架飛機 , 就算同廠唔同型號 , 個 cockpit 都唔同 ( 廢話 ... ) 不過有時差別好細微 , 所以每次我逗留响裡面既時侯我都四圍望 , 睇下 d 制有咩用 ... 座位擺設等等 , 嘻嘻 ... 好多時都有小小新發現 ! ^.^

小生命 ...

前日星期六約左個舊同事去浸會醫院 ... 探另一位舊同事 , 因為佢剛生左個 BB ! =D

個 BB 係星期三出世 , 咁即係我地去既時候佢只有 3 日大 ... 嘩 ! 3 日咋 ! 計一計 ... 我出世到而家過左三千二百幾個 3 日啦 !

我地都係隔住玻璃睇 , 佢個頭既 size 我諗只有我手掌咁上下大 , 哈 ~ 一推出黎就開始喊 . 喊 . 喊 . 喊 ... 喊左好幾分鐘先停 ... 跟住又訓過 , 真係好 !!!

行來行去 ...

今日返工既時候 aerodrome 既天氣已經唔係咁好 ... 天氣一變差 , 機場就亂晒大龍 ...

出去接機 , 離開 office 前已經望左 FIDS ( Flight Information Display System ) 一次 ... 好 ~ 泊 36 位 , 出到去禁區再望多次 ( 驚佢會變 ) ... 都係 36 !? Okay 啦咁 , 點知去到「咦 ? 唔係喎 ? 雖然係同一間 airliner , 但係 B744 點解變左做 A332 呢 ? 個 Aircraft Registration 都唔同 !? 」打返 office 問 ... 原來泊左去 60 ! Fuxk ~~~

之後又係咁 , 明明寫住泊 Bay 32 , 出到去又泊左 40 ... 成日就係咁行來行去 ! T____T

Dragonair Cargo ...

今日有架 Dragonair 既貨機因為 payload 重左 , Captain 要我地 prepare 另一張新 flight plan 俾佢 , 所以就派我送出去 ...

由客運大樓坐巴士去到貨機埸 , 因為係貨機既關係 , 當然唔會好似平時咁行 aerobridge 入去啦 ! 去到飛機既底部行樓梯上機艙 , 一入去 ... 雖然有野包住 , 但係果架應該係 Ferrari !? 平時街度見到都無咩 , 而家機艙見到先覺得「嘩 ~~~」我 d 同事話唔出奇 , 佢地話多數都係 Ferrari 或者 Porsche , 咁又係 ... 斷估唔會用貨機運架日本車囉 !?

仲有 , 平時見 / 坐開都係客機 ... 但係因為呢架係貨機既關係 , 架 747-300 ( 我地叫 743 ) 入面已經改晒 , 比起我印像中客機 743 or 744 大好多 ... 平排放兩架車都仲有位剩啊 !

南生圍 ...

今日同幾個朋友去左南生圍 BBQ ( 無錯 ... 以前睇小灣鱷「貝貝」果度 , 不過佢已經被送到濕地公園 ! ) 其實入面應該幾靚 , 但係因為入到去都幾晏 , 所以都無咩行過 d 地方... 係咁易影左兩張相 :)

工作點滴 ...

因為工作關係 , 我好多時都會嚮機場行來行去 . 原來當你掛住個職員証嚮機場行來行去既時候 , d 人係唔會理你做緊咩 ... 總之佢覺得你似嚮機場做野就會捉住你問 ... 咁通常 d 人都係問點去邊個邊個閘口 ... 不過我試過俾人問 " Excuse me , do you know where is Starbucks ... like the closest one ? " 當堂滴晒汗 @__@ " ( Btw , you can locate 5 Starbucks in the airport restricted area , they are near Gate 2 , 5 - 9 , 16 , 30 and Arrival Hall ... if you are in the non-restricted area , you can only find Pacific Coffee ! )

總之各式各樣既人都有可能問 d 完全唔關你事既野 ... 有 d 同事會話 : 「唔駛理佢架 , 你話唔知就得架啦 ! 叫佢問返有關 d 人啦 !」講真 ... 我就唔係好同意佢既講法囉 ! 所以每次有人問我野 , 我都盡我能力解答佢既問題 ...

今日仲有件幾搞笑既事 . 今日食完飯 , 企埋左一邊無人行既地方睇飛機起飛 ... 突然有個類似 d 亞拉伯人同個細路仔行過來 ...

佢問 : Can we pray here ?
我問 : Huh ? Can you play here ?
佢 : Yes , pray here ?
我停左一停 , 先諗到 : Oh , pray here ... actually there is a prayer room nearby ...
佢 : No no it's okay ...
我 : Err ... well yeah ... you can pray here ...

機場跑道 ...

你知唔知道 ... 香港國際機場有南、北兩條跑道 , 各長 3,800 米 , 闊 60 米 ... 至於 Instrument Landing System ( ILS ) 進場既類別 , 南跑道 ( 07R/25L ) 係 CAT II , 北跑道 ( 07L/25R ) 係 CAT III A , 可以俾飛機在能見度只有 200 米既情況下著陸 ( 當然架飛機都要有相關既裝置啦 ~ )

大部份既時候 , 北跑道 ( 07L/25R ) 係俾客機降落 , 而南跑道 ( 07R/25L ) 就俾客機起飛同貨機起降 ... 至於幾時用 07R , 幾時用 25L 來起飛 , 咁就要睇下果時吹緊咩風啦 ... 飛機起飛一定要有 head wind , 唔可以有 tail wind ... ( 所以祝人地「一路順風」呢句話唔係完全正確架 ! ) 當然仲要睇埋有無 cross wind 啦 ~~~

南京、無錫、蘇州、烏鎮、杭州、上海 6 天遊 ...

之前話過 post 返前排去旅行 d 野出來 ! So here we go , but pls note that ... 成個行程可能仲有其他地方去 , 不過如果無咩特別既話 , 我輕輕帶過就算或者索性唔提 ~~~

因為時間既關係 , 來唔切收集資料玩自遊行 ... 況且都係去中國咁近 , 費事煩 , 所以決定跟團去 ! 後尾揀左關鍵 , 最抵死係無耐有人 foward 左以下呢個 mail 俾我 :
----------------------------------------------------------------------------------------------------------------
關鍵旅行社口號
"正常版"
食得招積，住得舒適，遊得出色，旅遊超值，旅行搵關鍵，招積出色舒適超級超值 ...
旅行搵關鍵，關鍵全實現～

"刻苦版"
食得的色，住得偏僻，遊得急迫，旅遊乞食，旅行梗慳儉，的色偏僻急迫超級丐食 ...
旅行搵關鍵，自己攞來賤！
----------------------------------------------------------------------------------------------------------------
經過我親身體驗過之後 , 發現 "刻苦版" 講既野係無錯既 , 咁究竟我係咪自己攞來賤呢 ?
哈哈 ... anywayz 廢話少講 , let's go !!!

8 月 7 日 星期一 天晴 第一日 - 上海

朝早 07:30 起身 , 因為 08:30 要嚮機場集合 ( 佢話 ... ) , 但係班機 11:00 先起飛喎 !? 駛唔駛咁早先 ? 我都 9 點有多先到 , 算係咁啦 ! =P 講返呢 , 其實本來個行程應該係由南京開始玩落上海 , 不過宜家掉返轉 , 由上海玩返上去南京 !


上海磁浮列車

去到上海都差唔多 14:00 , 一落機第一個節目就係坐上海磁浮列車 ( 英文叫 Shanghai Maglev Train 喎 ! ) 我都係第一次坐 , 一眼望落去架車好普通咋喎 !? 點知一開車 ... holy , 極速 430km/h , 拿 ... 有相為証架 ! 真係話咁快就到 !!!
.
.
老城隍廟

唔 ... 無咩特別 ? 我諗本來應該幾靚既 , 不過宜家純粹係一個旅遊商業區 ... 仲話咩咩「到上海不去城隍廟 , 等於沒到過大上海」By the way , 呢位係導遊 Mandy , 都算幾靚女 =)

.
.
夜遊黃埔江

維港夜景係香港人既驕傲 ! 黃埔江夜景都可以話係上海人既驕傲 ! 其實計我話上海夜景仲巴閉 , 因為就算俾你去到 , 都未必有得你睇 ... 原因係上海市政府規定為左節省用電 , 凡當日天氣溫度高於 36 度 ( 有人話 40 度 !? ) 黃埔江兩邊就唔會亮燈 , 咁就可以俾人民有足夠電力喎 !

好彩我去果晚有亮燈 , 真係幾靚架 ! 唔 ... 同香港既夜景有 d 唔同囉 ~ 因為浦東果邊係高樓大廈 , 好摩登 ... 浦西果邊係好有特色既建築物 ( 有成一百年歷史架啦 ! ) , 咁兩邊加埋會有一個好強烈既對比 !

.

8 月 8 日 星期二 天晴 第二日 - 上海

黃埔江外灘

第二日一早又去過外灘 , 其實尋晚咪來過囉 !? 導遊姐姐話帶我地睇下黃埔江日頭既景色 ... 都唔錯既 ,不過我就覺得好似都係夜晚來有 feel d 喎 !?
.
.
上海長風海洋世界

呢個都係我期待既節目之一 , 幅圖果條魚叫海象魚 ... ( 唔係果兩條鯊魚呀 ! ) 生活左一億幾年 ... 就咁睇幅圖察覺唔到啦 , 但係佢有差唔多兩米長 , 成百斤重 ! 除左呢個仲有好多其他海洋生物既 : 大海龜 , 無數鯊魚 , 魔鬼魚等等啦 ...

.

8 月 9 日 星期三 天晴 第三日 - 杭州 ~ 烏鎮

杭州西湖

到杭州點會唔去西湖 ? 朝早食完早餐 , 我地就坐船出去遊一遊西湖啦 ! 中國十大奇景 , 第一係萬里長城 , 第二係桂林山水 , 第三 ? 咪就係杭州西湖囉 ! 不過記住係杭州西湖 , 咪去錯 ! 中國大陸咁大 , 西湖都好似有三十幾個 , 個湖嚮西邊就叫西湖架啦 ~
.
.
我認為如果未去過西湖 , 有機會一定要去 !!! 就算去過都可以再去 , 試下唔同既季節去 , 感覺應該大有不同 ! 況且西湖有十景最為著名 : 蘇堤春曉、柳浪聞鶯、花港觀魚、曲院風荷、平湖秋月、斷橋殘雪、南屏晚鐘、雙峰插雲、雷峰夕照、三潭印月 , 我只係去左頭三個咋 !
.
.
.
水鄉烏鎮

江南水鄉有六個 , 分別係周莊、甪直、同裏、南潯、烏鎮同西塘 , 導遊姐姐話佢去過咁多個 , 最靚係烏鎮 ( 唔知佢有無講大話啦 ... ) 其他五個我未去過所以我唔知 , 但烏鎮又真係幾靚既 , 話晒都被稱為 " 中國最後的枕水人家 " 值得一去 ... 值得一去 ...

.

8 月 10 日 星期四 天晴 / 有雨 第四日 - 蘇州 ~ 無錫

金雞湖 / 平門三景

人地成日話 : 「上有天堂 下有蘇杭」杭州去完啦 , 跟住就去蘇州啦 ! 蘇州有個金雞湖同埋平門三景 , 都無咩特別呀 !? 唯一一樣野就係蘇州市內好整齊 , 街道依河而建 , 臨水而造 , 前巷後河 , 人地成日講既「小橋、流水、人家」, 我諗就係呢 d 呱 !?
.
.
三國城

一話無錫 , d 人就即刻諗起無錫排骨 , 哈哈 ~~~ 無錫其實有個太湖風景區 , 又話咩山外有山，湖中有湖 ... 我就真係睇唔到啦 , 鬼咩 ~ 個湖咁大 , 湖邊望過去好似個海咁 , 有咩好睇 ? 除左排骨 , 無錫仲有一樣野出名架 ... 就係紫砂茶壺囉 ! 今次去無錫就去左個叫三國城既地方 , 好多時用來拍戲 ... 入面都幾多野睇架 ! Oh ~ 呢個就係領隊 Tony 哥哥 !

.

8 月 11 日 星期五 天晴 第五日 - 南京

夫子廟

南京為中國四大古都之一 ( 仲有西安、洛陽同北京 ) , 本應有好多好多歷史遺跡 ... 不過好可惜 , 宜家大部份呢 d 歷史既見證已經唔存在 , 就算俾你見到果 d 都大有可能係仿照返以前既古蹟再重新做過 ... 因為都俾日本人一把火燒晒啦 , 所以南京我真係覺得無咩好睇 ...
.
連個夫子廟都要俾錢入去既 , 入去睇下壁畫 !? 我梗係無入啦 ... 靜係嚮出面四周圍行下咋 !

8 月 12 日 星期六 天晴 第六日 - 南京 ~ 香港

長江大橋

長江上第一座由我地中國人自行設計建造既雙層式鐵路同公路兩用橋 ... 「噢 ~ 多麼的雄偉壯觀啊 !」認真咁講 , 呢條係中國人既所謂爭氣橋 , 因為當時全世界無一個國家認為嚮長江上面係可以起條橋既 ! 南京長江大橋既建成 , 可以話係世界橋樑史上既一個偉大奇跡 !

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講返啦 , 今次去覺得印像最深刻既地方係杭州同烏鎮 , 因為真係好靚 @ｖ@ 而上海係個大城市 , 如果要睇大城市 , 我駛鬼去咩 , 留嚮香港咪有得睇囉 ! 或者去之前 expectation 太高 , 去完上海之後既感覺係 " 都係咁 ... 無咩咁巴閉 " ! 至於蘇州、無錫就普普通通啦 ~~~ 南京就覺得直情無野睇添 !

仲有一樣野要提一提 , 其實個領隊都講得無錯既 , 佢話去邊度玩就間間旅行社都係咁上下架啦 ! 團費平定貴都係睇下食得好唔好 , 住得舒唔舒服 ... 所以總括來講 , 都唔算係 " 自己攞來賤 " 既 ! 睇下你自己點衡量啦 ~ ^___^

又一個禮拜 ...

咁又一個禮拜 ! 話晒都係剛開始 ... 唔駛返 shift 住 , 暫時都仲係 9am - 6pm ...

話就話日日準時返工放工 , 但係每日返到屋企 , 食完飯就即刻攤晒 d notes 出來 , 又要 review 又要執過晒 , 有 d 仲要寫過 ... 無辦法 , 實在太多新野學 , 唔睇多次真係唔記得 ... 其實大老闆每日都唔係教我好多野 , 佢又有野做 , 係久唔久坐落來講兩三個字 ... 行過就問下我有無問題 , 之後 i'm on my own again ! 總之一句講晒 : 完全係返學 feel , 一 d 都唔似返工囉 !

唉 ~ 希望宜家辛苦 d , 遲 d 真係落手落腳做既時候會舒服 d 啦 =)

第一日返工 ...

第一日返工 , 無咩特別 ... 都唔駛做野 , 成日就係見到 d 機師行出行入囉 ~~~

上司俾左本書我睇 - Flight Operations Management Level 1 , 睇左成日 @.@ 其實睇就好快 , 不過要一邊睇一邊 take notes ... 包括 Aviation Law 同一大堆天氣既知識 , 好似上緊 Geography 咁 ! 仲有好多野要背 , 例如 Airline Code , City Code 同 Airport Code ... 我諗呢個咁樣既返工模式都要維持一段時間 ...

Foundation Training Course ...

今日係 training 既第三日 , 亦都係最後一日 ... 不過上堂只係上半晝 , 下晝係 Airport Fam., 由 Departure Hall (Non Restricted Area) 到 Restricted Area ( 第一次用 AA 張 permit 入機場禁區 ) 再去 Arrival Hall ... 足足行行企企左 3 個鐘 , 腳都軟 ~____~

聽日正式開工 ! 今晚早 d 訓 !!!

暑假結束 ...

放左個半月假 , 終於要結束我既暑假啦 ! >____<

上個禮拜去左旅行 , 返來香港休息左兩日 , 今日係第一日返工 ... 其實頭三日都係 training , 我唔係 CSO 所以 training 就係得三日咁多 ( 佢地 CSO 要 train 成個月 ... ) , 講果 d 都係基本野啦 ! 之後我就要返自己工作崗位做 on job training ... 唔 ~~~ 成班廿幾人 , 包括我在內得 3 個男仔 ... Flight Ops 既就得我一個 !

剛剛開始新工作既關係 , 遲少少先再寫返旅行 d 野同埋 upload 返 d 相上來 , 請拭目而待 ! 哈哈 :D

給自己的禮物 ...

今日送左份小小既禮物俾自己 , 哈哈 ... 其實都唔小 , 不過算啦 ~
不斷咁同自己講 " 好好俾心機做野啦 !!! " " 哦 ... 係 !!! "

度身做制服 ...

因為下個禮拜去旅行 , 而叫我地去度身做制服果封信又寫明要 8 月 4 日至 8 月 12 日去 ( 我 8 月 12 日先返香港 ) , 所以今日下晝就過左觀塘搞埋佢 , 廢事煩 !

不過去到竟然撞到尋日做 body check 時見到既兩個女仔 , 佢地都認得我 ! 後尾我度完走先 , 8 月 15 見 ~~~ =)

Body Check ...

今日打 3 號風球啊 !!! Anywayz , 今日要上 HIAS 搞 d 文件上既野 , 順便去做 body check ...

11:00 準時到達 , 入到 conference room 見到大部份都係女仔 , 有幾個都幾靚女架 ! 哈哈 ~~ :D 心諗 : 佢地唔似做 Flight Op. 喎 ? 後尾聽聽下 ... 原來佢地好似全部都係 CSO ( Customer Services Officer ) , 有 d 係 airside , 有 d 係 landside 既 !

HR 果位小姐跟住派左好多張 form 俾我地 ... 仲有隻 training 既 CD , 要返工前做 at least 3 個 chapters ( 總共有 9 個 -____- ) 一路派一路 brief 我地 ... 仲有一封信係俾我地拎去度身做制服架呢 !

講左大概 1 個鐘 , 跟住佢就叫我地去 Permit Office 度影相做埋機場禁區個 permit , 之後去做身體檢查 ... 等左超耐 , 越等就越肚餓 ... 後尾由 13:00 搞到 15:00 ... 唉 ~~~

下次再返去係 8 月 15 日 , 第 1 日係 training 09:00 - 17:30 ... 好 ~ 咁襯呢段時間緊係要繼續玩啦 ! 下個星期一我去華東一個禮拜啊 !!! 嘩哈哈 ~~~

Flight Operations Officer ...

嘩哈哈 ... 實在太開心啦 ! 點解 ? 因為唔駛等啦 !!! 我今日收到 HIAS 既電話 , 佢地俾 offer 我啊 !!! ( 如果妳唔知我講緊咩 , 可能你要睇返我之前寫既 blog 啦 ! ) 雖然人工就唔係話好高 ... 又要返 shift 等等 , 不過唔緊要 , 至少我終於入到呢行 ~ YEAH ~~~

以後見飛機既次數會唔會多過見巴士 ? 唔 ~ 呢個暫時未知 ... 不過可以肯定既係 : 見空姐既次數一定多 d ! 哈 ~ (∩＿∩)

男女廁的事實 ...

事實一一根據人口統計 , 香港男女性人口比例相約

事實二二男女性 , 對排泄的需求大致相同

事實三三香港人追求男女平等

所以事實四四九成九男女廁所面積相等

但是事實五五當女人還在廁所門口排隊 , 男人已經辦公完畢

於是帶出事實六六男女廁所面積相等是一個錯誤

而事實七七九成九設計廁所的人沒有發現這個錯誤

繼而事實八八這不單是女人的事 , 因為女人要等廁所 , 男人也要等他的女人

事實九九再等十年 , 這也是改變不了的事實

最終事實十十男女是平等的 , 因為男女花在等廁所的時間是一樣的

( 取自 U Magazine Life Vol. 30 )

Assessment at HAECO ...

之前收到 HAECO 既 email 叫我今日去做個 written assessment , 所以一大早就起身入去佢地響將軍澳個 Component & Avionics Overhaul Building ... 去到之後入 training room 坐定定 , 每個人前面放左一個大信封 , 拎上手 ... 好似有好多野咁喎 ? 跟住照指示打開個信封 , 第一個反應係 " 嘩 ~~~ 仆 x 啊 , 咁多既 ... " 咁究竟裡面有 d 咩呢 ?

1. 30 頁 MC 總共 100 條
2. 4 頁 Eassy Q 總共 2 條
3. 1 張 Answer Sheet for MC
4. 7 張 Lined Papers for Eassy Q

好 ... 每個人有 3 個鐘 ... 開始 ! Go ~ Go ~ Go ~
( Go 乜鬼野 ... 邊個會做得完 ? (‧‧)ㄟ )

香港書展 2006 ...

又到一年一度既書展啦 ! 都算係 summer 一個必去既 event , 因為平時唔會特別行書店 , 去書展就可以行返夠本 ! 所以今日同個 friend 去左 , 去既時候都唔係太多人 , 後尾晏左就多返 d ... 不過點都應該唔夠我之前幾次去咁多人啦 , 至少避左要返工 d 人呀嘛 ... 呵呵呵 ~

差唔多行左 5 個鐘 , 真係足足一個下晝 , 腳都軟 x___x 到最後只係買左 4 本書 ... 不過響入面都睇左唔少本囉 ! 哈 ~

P.S. 多謝小虹張 complimenary tix , 20 蚊都慳返 ~ =)

香港科學館半日遊 ...

對上一次去香港科學館 , 已經係 n 年前既事 ... 應該仲謮緊小學 , 所以已經無咩印像 ~ 所以好耐之前已經想再去 , 況且有個靚女話我知原來香港大部份既博物館逢星期三都唔駛入場費架 ... 嘩哈哈 ~ 親呢段咁悠閒既時間 , 梗係去逛逛啦 !

唔 ... 入到去 , 無咩感覺 ~___~ 真係好似無來過一樣 !? 繼續行 ... 都無咩特別吸引 , 心諗 " 好彩唔駛錢 , 要錢咪 x 哂咁 " 行呀行 ... 咦 !?!? 發現到 d 好野喎 ... Optical Illusion !!! COOOOL ~ 個展覽廳放左好多好有趣既圖畫 , 好得意 ...

最後計過前前後後 , 逗留左兩個幾三個鐘有多 ( 計埋響出面排隊排左半粒鐘 ) 不過算係咁啦 ... 又學到野 , 點都好過又響屋企等發'毛' ? Cheers ~~~

P.S. 我抽左幾張出來同大家 share 一下 !