Saturday, August 26, 2006

.

8 月 9 日 星期三 天晴 第三日 - 杭州 ~ 烏鎮

杭州西湖

到杭州點會唔去西湖 ? 朝早食完早餐 , 我地就坐船出去遊一遊西湖啦 ! 中國十大奇景 , 第一係萬里長城 , 第二係桂林山水 , 第三 ? 咪就係杭州西湖囉 ! 不過記住係杭州西湖 , 咪去錯 ! 中國大陸咁大 , 西湖都好似有三十幾個 , 個湖嚮西邊就叫西湖架啦 ~
.
.
我認為如果未去過西湖 , 有機會一定要去 !!! 就算去過都可以再去 , 試下唔同既季節去 , 感覺應該大有不同 ! 況且西湖有十景最為著名 : 蘇堤春曉、柳浪聞鶯、花港觀魚、曲院風荷、平湖秋月、斷橋殘雪、南屏晚鐘、雙峰插雲、雷峰夕照、三潭印月 , 我只係去左頭三個咋 !
.
.
.
水鄉烏鎮

江南水鄉有六個 , 分別係周莊、甪直、同裏、南潯、烏鎮同西塘 , 導遊姐姐話佢去過咁多個 , 最靚係烏鎮 ( 唔知佢有無講大話啦 ... ) 其他五個我未去過所以我唔知 , 但烏鎮又真係幾靚既 , 話晒都被稱為 " 中國最後的枕水人家 " 值得一去 ... 值得一去 ...